Qurulduğu gündən bəri sadəcə 2 CEO-su olan Microsoft bir neçə namizəd arasında rəqabətdən sonra yeni idarəçisini açıqladı. Ən güclü namizədlər Fordun CEO-su Alan Mulally, Nokianın CEO-su Stephan Elop, Microsoftun Biznes və Strategiya bölməsi müdir köməkçisi və Skype başçısı Tony Bates, Microsoftun Bulud və İnformasiya başçısının köməkçisi Satya Nadella idi. Bloombergin verdiyi məlumata görə, keçən il öz pensiya qərarını açıqlayan Steve Ballmerdən sonra onun yerinə Bulud və İnformasiya bölməsinin inkişafında böyük səyləri olan, Bing və MSN idarəçisi, şirkət daxilində təcrübəli Satya Nadella keçəcək. Nadella əvvəlcədən ən güclü namizəd hesab edilirdi. İddialara görə Bill Geytsin rəhbərlik etdiyi heyət Nadella haqqında qərarını çoxdan verib və açıqlamağa hazırlaşır. Əgər iddialar doğrudursa, Ballmer 2014-cü ilin avqustunda öz vəzifəsindən ayrılacaq. Digər bir iddiaya görə, Bill Geyts də heyətdəki rəhbərliyini təhvil verəcək. Onun yerinə namizəd göstərilən şəxs isə John Thompsondur.
Hələlik Microsoft bu mövzularda dəqiq məlumat verməsə də, görünür,Steve Ballmerin gedişi ilə şirkətdə böyük dəyişikliklər olacaq. 1992-ci ildən bəri şirkətdə bir çox layihəni müvəffəqiyyətlə yerinə yetirən Satya Nadellanın gəlişi ilə Microsoftun hansı isiqamətlərdə inkişaf edəcəyi maraq doğurur.
Nyu-York Times isə bu iddiaları yalanlayır, Microsoftun hələ qərar vermədiyini iddia edir.