13 May saat 18:00-da Azercell Plazada “WoWoman: Tech-Tech Xanim. Project Launch“ tədbiri baş tutmuşdur. Tədbirin məqsədi xanımları prespektivli İT sahəsinə cəlb etmək, və bu sahənin verdiyi imkanları işıqlandırmaqdır. Tədbir zamanı iştirakçılar “Tech-Tech Xanim” layihəsinin proqramı ilə tanış olmuşlar, İT sahəsinin qabaqcıl mütəxəsisləri ilə ünsiyət qurmuş, həmçinin qadınlar üçün mobil tətbiqetmənin yaradılması üzrə master-klassda iştirak etmişlər. Çıxış edəmlər arasında:

• Ramin Orucov (Azercell-in Məlumat Xidmətləri bölümünün rəhbəri) və Roza Həmzəyeva (Texniki analist, SINAM), iki İT mütəxəssisinin uğurlu nikahlarının təcrübəsi, üstünlükləri və sirrlərini paylaşmışlar
• Səbinə Mirzəyeva (Layihə Meneceri, Millikart), böhran zamanı başlanılmış start up layihəsinin incəlikləri haqqda danışmış
• Kəmalə İsmayılova (Marketinq üzrə menecer, Infipro), iştirakçılara İnfipro şirkətində iş qazanmaq imkanı təqdim etmiş, həmçinin xanımları arzularına gedən yolda təslim olmamağa motivasiya etmişdir
• Günay Kazımzadə (Bonn Universitetinin Kompyuter elimləri üzrə Magistr) iştirakçı xanımlardan biri ilə birgə mobil tətbiqetmənin yaradılmasında master-klass nümayiş etmişlər

“Tech-Tech Xanim” layihəsinin meneceri Günel Hüseynova İT-nin əsasları təlimi üzrə gələcək seçim mərhələsini elan etmişdir. Seçim 25 Maya kimi açıq elan olunacaq və iştirak etmək istəyən hər kəs qeydiyyatdan keçə edə bilər. “Tech-Tech Xanim” layihəsinin komandası qadınların İT sahəsində imkanlarının genişlənməsi üçün çalışır və bu yolda layihəni Uber şirkəti dəstəkləmişdir. 

Yenilikləri izləmək və müraciət formunu doldurmaq üçün facebook-da rəsmi səhifəni izləyə bilərsiniz: https://www.facebook.com/wowoman.org?fref=ts