Microsoft şirkətinin 2015 dəyərləndirmələrinə görə yenidən Elgüc Yusifbəyli ikinci dəfə MVP ünvanına layiq görüldü. Təbrik və fəxr edirik! 🙂

“Dear Elguc Yusifbeyli, Congratulations! We are pleased to present you with the 2015 Microsoft® MVP Award! This award is given to exceptional technical community leaders who actively share their high quality, real world expertise with others. We appreciate your outstanding contributions in Directory Services technical communities during the past year.”

http://mvp.microsoft.com/en-us/mvp/Elguc%20Yusifbeyli-5000611

“Microsoft” ən dəyərli mütəxəssis (MVP) mükafatını təşəkkür əlaməti olaraq entuziazm, texniki təcrübə və “Microsoft” məhsulları haqqında real məlumatı digərləri ilə bölüşən, müstəsna və müstəqil  icma liderlərinə təqdim edir. Bu, “Microsoft” şirkətinin texniki icmaların dəstəyi və inkişafı çərçivəsində üzərinə götürdüyü məsuliyyətin bir hissəsidir.

“Microsoft” bu insanların texnologiya qavrama və inkişaf etdirməsində vacib rolunu qəbul edir və bu, öz növbəsində, müştərilər üçün daha keyfiyyətli məhsullar çatdırmağa bir köməkdir. 20 il öncə bu mükafat cəmi 37 icma liderlərinə təqdim olunmuşdu.

Bu gün sözügedən rəqəm artıq 4000-ə çatıb. Bu mütəxəssislər 40 dildə danışan 90 ölkəni təmsil edir.

Ən dəyərli mütəxəssislər “Microsoft” məhsullarını ətraflı bilmələri ilə yanaşı, həmçinin, bu məhsulların dünya boyu necə istehsal olunduqlarına da bələddirlər. “Microsoft” bu mütəxəssisləri öz texniki resursları ilə təmin etməklə, onları məhsul istehsalı üzrə komandasına dəvət edir və beləcə, onların təmsil etdiyi icmaların texnologiya inkişafında öz töhfələrini vermələri üçün şərait yaradır.

Bir çox hallarda ən dəyərli mütəxəssislərə məhsullar və gözlənilən texnologiyalar haqqında gizli məlumat verilməklə onların bu məhsullar haqqında rəyi öyrənilir.