Facebook artıq dostluqda olan insanların bir-birini xəritədə görməsini təmin edən Nearby Friends funksiyasını yayımlamağa başladı. Nearby Friends funksiyasını aktivləşdirən Facebook istifadəçiləri, yaxınlıqdakı digər Facebook dostlarını görərək onlarla əlaqə saxlaya bilər. Məsələn, bir futbol oyunu və ya başqa tədbir vaxtında Facebook istifadəçiləri yaxınlıqda olan dostlarını asanlıqla görüb onlarla görüşərək bir yerdə vaxt keçirməyə davam edə bilər, yaxud da uzun adress və yol izahlarından qurtulmaq üçün istifadə edə bilərlər.
Əlbəttə istifadəçilərin bir-birlərinin yerini görə bilməsi üçün Nearby Friends funksiyası qarşı tərəfdə də açıq olmalı və digərinin görə biləcəyi formada paylaşılmalıdır. Facebook bu xüsusiyyətin insanların olduğu məkanları icazələri olmadan yayımlama imkanına sahib olmadığını da vurğuladı.
Onu da qeyd edək ki, Nearby funksiyası WeChat, Tango və bənzər proqramlarda uzun müddətdir ki, istifadə olunur.