Microsoft bulud saxlama xidməti olan SkyDrive`ın adını OneDrive olaraq dəyişdi. Proqram nəhəngi onedrive.com`da qeydiyyatdan keçdi və yeni adı elan etmək üçün youtube`da tanıdıcı video yayımladı. Xidmətin SkyDrive ad hüquqlarına görə ingilis peyk TV xidməti BskyB (British Sky Broadcasting Group) ilə məhkəməlik olan Microsoft uduzduqdan sonra adını dəyişəcəyini açıqlamışdı. Bir neçə gün əvvəl Microsoft SkyDrive adının rəsmi olaraq OneDrive`a dəyişdirildiyini elan etdi. Önümüzdəki günlərdə OneDrive adı ilə işə düşəcək bulud saxlama xidməti özü ilə bərabər yeniliklər də gətirəcək. E-poçt ünvanınızı daxil edərək xidmətin yeniliklərindən və işə düşmə tarixindən xəbərdar ola bilərsiniz. Xbox One, Windows və digər ağıllı telefonlarda xidmət verən SkyDrive proqramının yeniləmə alacağı da gözlənilir. Onu da qeyd edək ki, SkyDrive və SkyDrive Pro istifadəçiləri bu ad dəyişikliyindən mənfi təsirlənməyəcək və yenə bulud üzvlüklərini OneDrive üzərindən idarə edə biləcəklər.