Bulud Texnologiyası haqqında bir neçə məqalə yazdıq. Fikrimcə, hər kəsdə Bulud Texnologiyası haqqında ümumi fikir formalaşdı. Son zamanlar tez-tez eşitdiyimiz Bulud Texnologiyasının nə olduğunu müəyyən qədər bildik. Bu məqaləmizdə isə Windows Azure`un nə olduğu haqqında məlumat verməyə çalışacağıq, İnşAllah. Windows Azure Microsoft`un Bulud Texnologiyasıdır.

Windows Azure ilk öncə ancaq PaaS modelini dəstəkləyirdi. Daha sonra isə inkişaf etdirilərək, IaaS da dəstəkləməyə başlamadı.

Windows Azure bir neçə tərkib hissədən ibarətdir.Bunu aşağıdakı şəkildə görə bilərsiniz.

Yuxarıdakı şəkildə gördüyünüz kimi Windows Azure nə qədər çox sahədə iştirak edir. İstər web site`lar üzərində, istər database idarəetməsində və.s də iştirak edir. Növbəti məqalələrdə çalışacağıq ki, bunları bir-bir izah edək. İndi isə sizdə ümumi fikir formalaşdırmaq üçün bu şəkili sizlə bölüşdüm.

Windows Azure`un əsas xüsusiyyətlərinə baxsaq, bunlar aşağıdakılardır:

Uyğunlaşma:

Yuxarıda qeyd etdiyimiz kimi ilk öncə PaaS modelini dəstəkləyirdi, daha sonra inkişaf etdirilərək, IaaS modelini də dəstəkləməyə başlamadı. Bundan sonra isə artıq istifadəçilər istər Windows üzərində işləyən , istərsə də Linux üzərində işləyən proqramlarınızı çox asanlıqla Windows Azure üzərinə keçirə bilərsiniz. Əmin ola bilərsiniz ki, Windows Azure tamamilə buna uyğunlaşacaq.

Açıq:

Windows Azure üzərində bir çox proqram dilini, alətini və framework`ü istifadə edə bilərsiniz. Bu da o deməkdir ki, Microsoft sizi məcbur etmir ki, ancaq onun məhsullarını istifadə edəsiniz. Siz artıq istədiyiniz alətləri, proqramlama dillərini istifadə edə bilərsiniz.

Kəsintisiz:

Şirkətlər üçün bulud üzərində olan sistemlərinin kəsintisiz istifadə olunması əsas amillərdən biridir. Microsoft bu sahəyə daha çox pul qoyub və bunu qarşılıqlı imzalanan SLA müqaviləsi ilə siğortalayır.

Windows Azure`un əsas məqsədlərindən biri “Pay only for what you use” dur. Yəni siz nə qədər istifadə edirsinizsə, o qədər də pul ödəyirsiniz. Sizdən istifadə etmədiyiniz vaxtların pulunu tələb etmirlər. Bundan başqa əgər siz Windows Azure`da server və yaxud SQL qaldırsanız, bu zaman bu məhsulların lisenziyası üçün pul ödəmirsiniz. Pulu ancaq istifadə etdiyiniz xidmətə görə ödəyirsiniz. Lisenziyaların pulu da ödədiyiniz xidmətin içərisinə daxildir.

Bu məqaləmiz biraz qısa məqalə oldu, amma ümid edirəm ki, Windows Azure`un nə iş gördüyünü müəyyən qədər izah edə bildim.

Növbəti məqalələrdə görüşənə qədər…

Yazar: Fərhad KƏRİMOV | MCTS, MCITP, MCSA, CCNA, MCP, MCT