Salam dostlar. Bu dəfə Print Screen haqqında məqalə hazırlamaq qərarına gəldim, belə ki, problem yaranan zaman istifadəçilərin problemini izah etməsi mərhələsi çox önəmlidir. Çünki problemi düzgün izah etmədikcə, kimdənsə kömək ala bilmə şansımız çox aşağı olur. İnternet üzərindən suallarınıza doğru cavab ala bilmək üçün problemi doğru izah etməyi öyrənməliyik. Problemin izah olunması mərhələsində Print Screen (ekranın şəklini çəkmək) çox köməyimizə gələn məqamdır. Keçək dərsə…

Print screen – bizim bilgisayarımızın ekranın bütöv ya da müəyyən hissələrinin nüsxələrinin şəkil formatında saxlanmasına deyilir. Bütün klaviaturalarda fikir vermisinizsə, Print Screen/PrtScr düyməsi var. Əgər siz o düyməni bassanız, basdığınız an bilgisayarın ekranında hansı görüntü var idisə, o bilgisayarın RAM-da yer alır özünə. Sonra hər hansı şəkil redaktorunu açıb İnsert(daxil et) düyməsini bassaq, ekranımızın görüntüsü redaktorun içinə düşəcək.