Bu məqaləmizdə Sizlərə İİS 8-in qurulması haqqında məlumat verəcəyik.  İİS Microsoft tərəfindən təqdim olunan veb saytların və veb tətbiqetmələrin yerləşdirilməsi və idarə olunması üçün istifadə olunan xidmətdir (veb serverdir). Eyni zamanda İİS üzərində FTP-ni də sazlamaq mümkündür. Növbəti məqalələrimizdə ardıcıl olaraq İİS 8-də mövcud olan imkanlar və yeniliklər barəsində mərhələli şəkildə Sizlərə məlumat verəcəyik. İndi isə İİS 8-in qurulması haqqında məlumat verəcəyik.

Windows Server 2012 üzərində İİS 8 təqdim olunmuşdur. İİS 8 ilə birlikdə İİS  həm təhlükəsizlik, həm də performans cəhətdən təkmilləşdirilmişdir.

İndi isə İİS 8-in quraşdırılmasına baxaq.

Server manager > Manage > Add Roles and Features  bölməsinə daxil oluruq.

Installation type hissəsində Role –based or feature-based installation seçib Next edirik.

Server Selection bölməsində serveri seçib Next edirik.

Server Roles bölməsindən Web server (IIS) seçirik, bu zaman İİS managment console-un əlavə edilməsi üçün Add Roles and Features Wizard ekranda əks olunacaqdır. Add Features edib davam edirik.

Web server(IIS) seçilmiş olur. Next edirik.

Features bölməsindən Next edərək davam edirik.

Web Server Role (IIS) bölməsində qısa məlumatla tanış olub Next edirik.

Role Services bölməsində İİS üzərində istifadə edəcəyimiz xidmətləri seçib Next edirik.

Confirmation bölməsində İnstall edirik. Proses yekunlaşdıqdan sonra Close edirik.

İİS manager-ə daxil olaraq sayt yerləşdirmək və ya digər sazlanmalar apara bilərik. İİS manager-ə daxil olmaq üçün bir neçə üsuldan istifadə edə bilərik. Administrative Tools-a daxil olaraq, Run-a inetmgr yazaraq və ya Metro start menyusundan İİS manager-i aça bilərik.

Artıq klient kompüterlərdə brauzerdə İİS 8 qurulmuş serverin İP-ni və ya adını (DNS-də mövcud olduğu halda) yazmaqla İİS serverin default səhifəsinə daxil olmaq mümkündür.