Məşhur dizayner Cefri Stivenson artıq 10 ildən çoxdur ki, kompüterlər üçün kreativ korpusların hazırlanmasıyla məşğul olur. Nəhayət o, rahat ev atmosferini pozmayan yüksək texnologiyalı cihazı hazırlamağa nail olub. Məlumdur ki, güclü kompüterlər informasiyanı tez emal etməklə yanaşı, həm də xeyli miqdarda istilik ayırır. Cefri Stivenson kompüterin bu xüsusiyyətindən istifadə etmək qərarına gəlib. O, ventilyatorsuz işləyən və qızdırıcıya oxşar səssiz kompüter hazırlayıb. hitech.vesti.ru saytından aldığımız məlumata görə, “Ayr” adlı qeyri-adi sistem Intel Core i3-3225 prosessoru əsasında yığılıb. Kompüter 8 Qb əməli yaddaşa malikdir və Windows 8 əməliyyat sistemində işləyir. Qurğunun ən mühüm hissəsi – Silverstone HE02 unikal soyutma sistemidir ki, onun sayəsində istilik enerjisi xüsusi pəncərələr vasitəsilə ətrafa yayılır.
Mənbə:     www.ict.az