Virtualization (Virtuallaşdırma )
Bu məqaləmizdə Virtuallaşdırma haqqında sizləri məlumatlandıraraq gələcək məqlələrimizdə Hyper-V və Vmware haqqında əhatəli danışmağa çalışacağam. Virtuallaşdırmanın tarixi çox olsada, əsasə son illərdə özünü bazarda daha inkşaf etmiş formada göstərməyə başlayıb.

Virtuallaşdırma nədir ?

Bir fiziki avadanlıq (Server) üzərində bir neçə əməliyyat sisteminin eyni anda çalışdıraraq o avadanlığın fiziki imkanlarını istifadə edərək çalışması Virtuallaşdırma adlanır. Burda qeyd etdyim cümlə sadəcə serverlər üçün keçərlidir.Çünki Virtuallaşdırma artıq bir çox qollara ayrılıb bunlara misal olaraq Desktop virtualization , Application virtualization, Network virtualization kimi terminlərlə son zamanlar daha çox qarşılaşamağa başladıq. Virtuallaşdırma başqa bir təriflə ifadə edilərsə. Fiziki qaynaqlarımızı ehtiyaclarımıza görə virtual hissələrə bölərək, resusların virtal olaraq tam şəkildə istifadə olunması Virtuallaşdırma adlanır.Virtuallaşdırma biz mütəxəssislərə nə kimi yeniliklər gətirir.

Elektrik enerjisinə qənaət.

Böyük data mərkəzləri üçün gətirdiyi üstünlüklər.

İnformasiyanın qorunması və idarə olunmasına gətirdiyi üstünlüklər.

Mərkəzi İdarəetmə Sisteminin bəsitləşdirlməsi və bunun kimi bir çox misallar çəkmək mümkündür.

Düşünün ki , Server otağınızda 100-lərlə Fiziki Server avadanlıqları mövcuddur. Bu avadanlıqların işlətdiyi elektrik enerjisi və yaxud zədələnmiş bir fiziki serverin dəyişilməsi anında böyük vaxt itkisi, böyük rack otaqları bunları əlaqələndirən switch-lər, belə misallar çox saymaq olar.Halbuki biz 100 ədəd serverimizi 4-5 server üzərindən idarə edə bilərik. Bu anda bizlər üçün ən gözəl seçim Virtuallaşdırma olacaq. İnternetdə bəzi araşdırmalar aparsaq böyük şirkətlərin Virtuallaşdırma texnologiyasından istifadə edərək 50 – 80 % -ə qədər enerji və pula qənaət etdiklərini açıq aşkar görə bilərik. Azərbaycanda VMware üzərində hal-hazırda Azercell , Azersun şirkətlərinin serverləri fəaliyyət göstərir. Türkiyədə İntel Şirkətinin Serverləri Hyper-V üzərində fəaliyyət göstərir.Hazırda tamamlamaq üzrə olduğum yeni layihəmdə DGK-nində yeni strukturunda Virtuallaşdırma tətbiq edəcəyik.
Bu gün bazarda bu sahədə demək olar ki iki firma daha çox üstünlük təşkil edir Microsoft və VMware.

Hyper-V – Microsoft şirkətinin istehsalıdır. Son iki ildə inkşaf etdirilməsinə baxmayaraq VMware – yə ən böyük rəqib oldu.

VMware vSphere (ESX 4) – VMware şirkətinin məhsuludur. VMware Virtuallaşdırma sahəsində bazarda böyük paya sahibdir.
Hazırda Virtuallaşdırma sahəsində ciddi yeniliklər davam etməkdədir. Zaman içərisində bu iki nəhənglərin Hyper-V və ESX – (VSphere ) haqqında məqalələr yazmağa davam edəcəyəm. İnanıram ki hər kəs üçün yenilik və yararlı məlumatlar olacaq. Suallar üçün Technet.az forumundan yararlana bilərisiniz.

Elgüc Yusifbəyli
MCT
________________________
Müəllif hüquqları qorunur